Stefnudrögin byggja á þeirri meginforsenduað þekking sem verður til í opinberlega fjármögnuðu vísindastarfi eigi að vera aðgengileg öllum. Með opinni miðlun rannsóknaniðurstaðna, -gagna og -aðferða er stuðlað að auknu gagnsæi, betri nýtingu opinbers fjár, meiri endurnýtanleika og auknum samfélagslegum ávinningi. Jafnframt er lögð rík áhersla á að opin miðlunhaldist ávallt í hendur við ábyrgð, öryggi, siðferði, persónuvernd og vernd hugverkaréttinda.​

Innviðaráðherra hefur gert breytingu á reglugerð um strandveiðar m.a. til að bregðast við þeirri stöðu sem skapast hefur eftir að mörg skip misstu haffærisskírteini þegar skoðanir á björgunarbúnaði þeirra voru ógiltar.

Ragnar Þór Ingólfsson, félags- og húsnæðismálaráðherra, hefur undirritað reglugerð sem felur í sér breytingar á eftirliti með hjólastólalyftum á heimilum fólks. Nægilegt verður að þjónustuaðilar þjónustu lyfturnar tvisvar á ári. „Fram hafði komið að tíðni eftirlits með hjólastólalyftum gæti valdið miklum kostnaði, ekki síst fyrir þá einstaklinga sem þurfa á slíkum lyftum að halda á heimilum sínum. Þessu höfum við nú brugðist við án þess þó að gefa afslátt af öryggiskröfum, enda talið nægjanlegt að hjólastólalyftur á heimilum fólks séu þjónustaðar á sex mánaða fresti,“ segir Ragnar Þór Ingólfsson, félags- og húsnæðismálaráðherra.

Freyr Gígja Gunnarsson hefur verið ráðinn upplýsingafulltrúi dómsmálaráðuneytisins til eins árs. Hann mun hefja störf 13. apríl nk.

Umhverfis-, orku- og loftslagsráðuneytið hefur sett til kynningar í samráðsgátt stjórnvalda drög að breytingu á reglugerð um flutning úrgangs á milli landa, nr. 822/2010.

Umhverfis-, orku- og loftslagsráðuneytið hefur sett til kynningar í samráðsgátt stjórnvalda drög að breytingu á reglugerð um varnir gegn olíumengun frá starfsemi á landi, nr. 884/2017.

Dómsmálaráðherra hefur skipað Valgerði Maríu Sigurðardóttur í embætti skrifstofustjóra á skrifstofu alþjóðamála í dómsmálaráðuneytinu. Valgerður mun flytjast úr embætti varaformanns kærunefndar útlendingamála á grundvelli heimildar í lögum um réttindi og skyldur starfsmanna ríkisins. Hún tekur við embættinu 1. maí nk.

Landspítali tekur þátt í samnorrænu útboði ákveðinna krabbameinslyfja og er þetta í fyrsta skipti sem þessi lyfjaflokkur er boðinn út í sameiginlegu útboði Danmerkur, Noregs og Íslands. Tilgangurinn er að tryggja afhendingaröryggi lyfja sem verður æ erfiðara að útvega.